星期三, 2月 26, 2014

劉進圖君,祝早日康復!

聽到劉進圖遇襲,真係心都沉一沉。

如果話佢遇襲同佢係明報既工作無關,未免太阿Q。做傳媒既得罪人係好平常事,要話係邊單新聞得罪人,好難定論。耳聞劉君情況還好無危險,希望佢吉人天相。

明報將劉君調職,他於公眾前並無異議。如果佢係基於政治壓力調職,咁佢都乖乖讓位啦?如果相關單位仲要出刀仔,真係太狠毒。劉君此刻應明白讓步無意義,不如將佢被調職既所有來龍去脈公開?相信佢既說話比李慧玲有力得多。

最惡劣既猜測係,中央不滿佢報道,要佢落台後仲要搵人斬佢。如果係咁,有關單位真係太愚蠢。香港人再大聲,都係得把口;香港人環境再差,都係經濟上既得利益者。如林行止君所說,香港沒有革命的土壤,因為機會成本太高,香港人也沒有流血的準備。如果此舉真乃北大人所為,是將香港再迫進牆角一步而已,毫無意義。

又講,反對中央,揭高官私隱既,唔會得一份明報,唔會得一個劉進圖。捕風捉影的猜測也不能完全當真。希望劉進圖君早日康復,將他所知的公諸於世。

沒有留言: