星期一, 5月 17, 2010

logical thinking

時下興講logical thinking,等若虛又玩下:

1. 之前話要有50%,無左對手,又話有27%都超額。而家得17.1%,代表咩?哦!原來代表,係公民教育既角度去睇,運動好成功。

2. 咁公民教育成功左,係咪就代表運動成功,繼而運動所主張既議題獲支持?

3. 港大話有一半巿民係為盡公民責任,今次唔係非黑即白咩,仲有人講咩公民責任既?

4. 又,港大話有11%人係為公投,運動好成功?不過主事者當然有自己既解讀。

5. 公文袋曾經話如果運動失敗可能考慮轉軚支持方案,不過睇黎都唔會,因為佢地好似點都可以講到自己成功左。

6. 黃郁人話白鴿唔動員幫手拉票,但白鴿唔支持呢個運動架噃,做盟友真係要赴湯蹈火在所不辭?

7. 計及泛民陣營上次得票,今次只得一半支持5位尊貴,是否代表泛民中都有溫和派,都有認為要先行一步者?不過黃郁人話要將抗爭升呢喎,咁佢算唔算尊重民意?

8. 陳大舊話公投失敗係港人既責任,「難道要我剖腹?」咁下次我選議員,提出殺人合法化,我竟然唔當選!咁選民真係好有問題,真係要劏哂佢地。

9. 正苦冷處理已經好成功,仲搞咁多小動作去阻住人投票,授人以柄,係咪戇居?

10. 個方案明顯仲有好多讓步空間,如果讓一讓比人下台階,拉埋啲白鴿過黎,係咪好睇好多?不過正苦永遠都唔求好睇,只求食得。

11. 喬老爺等大粒佬都講到明話應承你會做,係要唔信咁都無符。你過左佢,日後人地反口,你去d7佢,大把人會支持。好過而家如果你唔過,人地大條道理唔比你再行,仲話你阻住!

7 則留言:

seikomatic 提到...

成也顛狗,敗也顛狗

Quality Alchemist 提到...

他們就好像失敗的投資者, 患上認知失調(Cognitive Dissonance), 是當現實和他們的信念有衝突時, 他們寧願為自己的信念找藉口, 去解釋現實的不協調, 而不是面對現實. (am730 - 李臻;13 May 2010)

柒加伍 提到...

今次呢場戲,令我覺佢地似一班野狗,霸住掛上「民主、....」嘅招牌,然後見到個影都亂吠一通。

佛爺 提到...

我在另一個博客發表過此意見,現在也放在這裡賀一下。

那些「供瀉兩檔」的人在玩野。整一班「戴磚2012」出來陪襯。那些書生俾人利用來踏住上,仲以為自己好有寶。跟著又叫人盡公民責任,可以選佢對手。

他們早已盤算過,大部份去投票的人都會是他們的支持者。計埋那些游離選民,應該有三成合資格選民去投票。

點知個如意算盤算錯咗,有13%游離選民無出現。

死喇!點算呢?

「供檔」的檔主係師太黎架嘛,即刻靜了一大截,佢識得「閃」,甩身。

「瀉檔」的檔主,一早已患了狂犬症,都唔怕被人話架喇!咁就日日出黎吠:「大拿拿五十萬呀!五十萬呀!五十萬呀!你估野少呀!」就提都無提17.1%。

即係咁,有男人入去診所睇報告,醫生同佢講,你的精蟲數量低過正常好多,只得五十萬條,所以你老婆不會受孕。該男人大喊:「大拿拿五十萬呀!五十萬呀!五十萬呀!你估野少呀!點解我老婆唔會受孕架?」

玩野的人,唔衰得!衰咗,就玩數字遊戲囉!

余若虛 提到...

心領神會,謝過!

若缺齋老人 提到...

早已經冇眼睇,都係支持聞一多既《死水》:不如多扔些破銅爛鐵,反正都係一鑊粥,玩盡佢! XD

過內人 提到...

我當日msn寫一句「點講都係你哋贏。」

畀某一啲人「小」咗成個星期.....

而家某一啲後生仔,真係激到呢