星期五, 3月 27, 2009

快啲去仆街

妖,而家咩世界,兜口兜面叫你快啲去仆街、狗官、臭四,之後仲要同你講我有言論自由,你唔好箝制我,唔係你就係打壓言論自由。再教你應該學習下我地呢啲巿井用語。然後話比你聽,我屌你,係跟據客觀事實既主觀陳述,你唔係唔順氣下話。

仲有個叫你啅人既仆街,話,呀主席呀,議事規則好似話唔比鬧議員,無話唔比屌官員架可。

我而家好驚普選囉。唔覺意選左黃郁人做特首,佢唔止郁人咁簡單喎,仲會屌人喎。


-----------------------------------------------------------------------------------------

如果有一日,黃郁人代表香港參加中國代表團去G20,同胡總見馬仔總統、白首相,會有咩事呢?

馬仔:美國將盡全力去挽救金融危機,白兄,係咪咁話呀?

白首相:梗係啦!英國會不惜一切代價既!

黃郁人:白生,你快啲去仆街啦!英國咁多間銀行出事,咪你做財相既政策做成架囉!你個狗官!而家又話救巿!無你無今日啦!

白首相:你...

馬仔:胡總,你啲靚好串喎!

黃郁人:係呀,我係串呀!馬仔,你咪又係仆街一條,AIG派咁多花紅,你做到啲咩呀?比著我,一早就成隻癲狗咁踩上去,刮哂啲名單出黎比人睇啦,公眾有知情權喎!啲巿民大眾,圍住佢地屋企屌佢地,係佢地既言論自由喎。掟佢地蕉就係民主既表現!係公眾力量既表現!

胡總:好喇喎你,呢度幾時到你講野,離開!(怒吼)

黃郁人:你大聲就得呀?我同你鬥大聲!而家你想打壓我言論自由,剝奪我既發言權呀?

---------------------------------------------------------------------------------------

我唔知啲人有咩準則黎選個議員囉。又,其實我好想知,有無人選左佢(或者好想選佢只係唔同區),而家後悔既?

DLLM

星期四, 3月 19, 2009

何需在意港男港女

星期日檔案連續兩輯講港男港女,以此手法報道如此敏感的課題,自然引起莫大迴響。港男們對拜金扮cute自以為靚爆港女現象咬牙切齒;港女亦不甘示弱,對電車隱蔽毫不上進的港男大肆撻伐。港男港女的現象客觀存在,亦已早進入水火不容互相攻訐的亢奮對抗狀態。

港男港女的真正含義,誰也弄不清。其實演化之下,兩個詞已變成一個概念。若虛對於隱蔽的電車男、月入三萬看人低的補習天后、追逐名牌如命的MK女等都不表好感。只是,我實也毋需趕這淌渾水。

港男港女現象可能正在擴散蔓延,但若虛認為這仍停留在個別現象,其實並未成為社會現象,只是互聯網上的攻訐對罵吸引了視線。然而你我凡夫俗子,卻毋需著眼於此。他們或許正在影響宏觀男女心理思想,但個人角度只需自己選擇。若閣下對港男港女不滿,大可敬而遠之,何需除之而後快?世事豈能盡如人意。子曰:達者兼善天下,窮者獨善其身。若不能兼善天下,只管自己好了,何必挑起峰火連天?

若閣下自問並非港男港女,卻苦惱為何身邊充斥著這些人,想找幾個正常朋友也不容易,那反而要反思一下了。物以類聚,人以群分也。

星期二, 3月 10, 2009

評大笨象走勢

大笨象今日收巿勁假時段做左一口勁假既低價33元,被mark低至跌10%。再抨擊勁假時段都無用,證監亦己落實稍後會將勁假時段波幅限於收巿價2%。若虛試從大戶角度分析匯控走勢。

首先,大家要明白大戶現在係淡倉底,做左淡倉自然要搵口好價平倉。若果係巿場買貨,以大戶龐大既淡倉數量勢必會掃高匯控股價不少。此亦以往渣打供股後彈升接近五成之原因。

既然如此,大戶就向散戶埋手。首先將匯控不斷質低,營做「匯豐已死」之象。今日mark至33元或跌逾10%,相信已令不少持貨者心驚肉顫。皆因匯豐散戶股民除一部分係持貨多年外,好大部分其實係匯豐跌穿100元後追貨欲作長線投資,5x元血肉長城價更囤積大量蟹貨。呢批股民守貨已久,意志力開始減弱,愈守愈心驚。初時堅信匯豐絕對唔會出事者,到今時今日都開始幻想匯豐究竟會唔會步花旗、美銀、AIG後塵。前日見電視新聞中一批專業人士(有醫生律師等)組成之投資會討論是否供股,一個月前該批人仍把握十足一致咁話一定供,到前日已開始動搖,有人已開始質疑再渣匯豐落去無意思。

其實大戶正要令散戶意志消沉至絕望,繼而拋貨。大戶不斷質低股價,若最後無人跟風沽,佢地既淡倉仍係要平,結果只會自己蝕價。所以大戶一定會仍營造出慘淡至匯豐末日的氣氛,令散戶一時意氣沽出諗住有返啲渣拿唔使好似8號仔股民咁。屆時大戶先係低位接貨。情況就好似好多人係恆指跌至萬二三點就見底既時候先將強積金轉做保本基金。其實呢啲決定好多時只係一時因抵受唔住巿場既壓力而作出,回頭一看必呻笨。

大戶更會係11號前大量接貨,因趕及係除權前有股份就能獲供股權,到時就能不影響巿場下,以28元供匯豐以平淡倉。亦因此,大戶係23-31日供股權交易時,盡令令匯豐唔會升得太高,最好係3x元左右徘徊,令散戶唔敢供股之餘,賤價買供股權亦有渣拿,大戶就能低價大量購入供股權作平倉。亦有可能大戶再質低匯豐,令供股權唔值錢,到時大家唯有放棄供股,而包銷商(其實即係高盛、大摩)就可以明正言順「包銷」供股,順勢平淡倉。

因此若虛相信,3/4正式供股前,匯控有反彈無上升,好大機會比大戶壓係低位,震走磨走散戶,繼而掃供股權,鑿返一筆大既。當一切塵埃落定,匯豐好大機會就會好似渣打咁,黎一個大反彈。

P.S. 一切只係若虛猜想,後事如何,還待巿場告訴大家。

星期四, 3月 05, 2009

再談大笨象

若虛於一月底已收到路邊社消息指大象有計劃供股,至業績公布宣佈,終於應驗。而供股比例12供5更遠超之前消息預期之4供1,顯示大象資本壓力不少。

二月時散戶接連於五十多元水平排出血肉長城抵抗大戶沽壓,實屬不智。散戶似乎嚴重高估了自己少少資本所能帶來的力量。大戶早掌握匯控供股消息,心知供股後攤薄效應必令股價大插,可以放心大手沽空,加上收巿競價完全偏袒大戶既玩法,匯控連日被Mark低,散戶跟本無還擊之力。

香港人對匯豐的信任源於其穩健的歷史表現。可惜此一時彼一時,學我老曹話齋,呢個時候去買匯豐,只係代表你無做功課。匯豐三大盈利支柱(英、美、港)折其二,豈能不墜?至少,都要捱返三五七年啦。

至於廿八蚊供股是否值得,若虛認為長線看無論如何都值,因為匯豐基礎仍然穩健,仍不比美林雷曼等有高槓桿。匯豐受累金融海嘯加上收購失敗,到今時今日供股集資亦只求增加資本充足率非為撲水救命,毋需如花旗美銀之流向美國政府搖尾乞憐求施捨個發財錢(嘩,不過個啲發財錢夠我食一百八十七世...)。

匯豐經歷幾許風雨,當年作為滿清政府最大債主,清朝滅亡國家default,匯豐安然渡過;後來民國政府的債務,蔣介石認了頭又無錢還,到最後共產黨唔認數,匯豐依然無事。匯豐百年基業,有今日誠非幸致。只是企業有三衰六旺如月有陰晴圓缺,匯豐今日雖然挫敗但其根本看來依然健全,應當有能力撐過這一關再待時機東山再起。

但講到供股供唔供得過,就唔係只係睇匯豐本身長遠發展咁簡單。一來,匯豐即使捱過呢關,要復原怕且都要三五七年,慢慢重上軌道,既然如此,何不以後再伺機買入;二來,中國崛起帶來大量投資機遇,錢有其他更好的選擇,又何止投資匯豐一途?此一時,彼一時,匯豐以往係股王,並不代表以後都係股王,唔好學龔生,匯豐唔升就失落。而家買左匯豐坐緊艇既,就唔方唔失落。

至於財演們以致財經新聞部經常以渣打供股後股價先跌後攀升指供股短期對股價有利,實在係無知之極。大行收到匯控供股消息,高位一早唱淡再大手沽空。待供股消息一出,攤薄效應顯現,大戶當然趁壞消息平倉,股價自然上升。如果咁顯淺既道理都唔明,呢班財演仲衰過啲神棍。