星期四, 8月 27, 2009

失敗的年青人(一)

A HOT TOPIC!幸好若虛知名度不高,相信也不致招來憤青甚至共產博客批鬥。我經常想,予其讓四十開外的某某評論員去對年青人指指點點,由若虛來說也許說服力會強一點點吧。

就拿身邊認識的人的經歷來說。

A君出身醫護世家,家住中半山,絕對的上流社會人士。A讀書成績一般,但富裕家庭總有辦法,他就被送往英國讀書。可惜A嫌讀書太悶,中途綴學回港。A父母向來對其寵愛有加,錢從不缺用;熱愛朋友的性格,亦令他讓成到處享受和請客的習慣。回港後A火速跟一女子拍拖並遷出同居,父母反對不果,決意閂其水喉,因你既有能力自住,亦當有能力自力更生!此說合理之致。然而A並未意識到事情的嚴重性,依舊大花筒,連吃下午茶也棄茶餐而選四十多元的干炒牛河。

跟A多次談及到未來的計劃,他總表示出一種對打工的不屑,自命是老闆材料。最要命的是,或因錢財於他一向伸手即得,他並不將賺錢放於首位,而志在滿足而已。曾經聽聞他與其他人合作於內地經營多項生意,但最後卻不見再提,敢言必是連遭滑鐵爐。其後又與某人合資於九龍區辦食店生意,若虛曾偕友捧場,老實說,食物的確有一定水準,價錢亦相宜,比起鄰店可謂好多了。但鄰店卻依然晚晚爆滿排隊等位,A店卻小貓三兩隻。

看倌必以為是若虛偏袒其食物了。非也,曾巧遇幾位也到過該餐廳的朋友,也大讚好吃。生意低落原因很簡單,其舖位經常關起大門,新店熟客亦不多。試聞普通人走過,見內裏無人,可會輕易入內?其實,依我等所見,若老闆肯多點於門外拉客派傳單,必有不少人有興趣一試;但A君卻嗤之以鼻,曾有朋友建言及此,A君竟說:「不如我比錢你,你去幫我派傳單?」可見A君對此等工作如何不屑。小生意老闆尚且不肯放下身段,連鄰舖的spill out也吃不到,實在可惜。

更令一眾朋友氣結的,A君於餐廳並無支薪,但另一合夥人竟有!A君卻不甚介意,闊佬懶理模樣,朋友們由積極建言,慢慢都變成由佢自生自滅。曾經有一星期天到其舖拿回些東西,隔鄰單於門口排隊便有逾廿人,到達該舖時卻見烏燈黑火,以為無開門!幾個人痴痴呆呆坐埋一檯,睇報紙撩鼻屎,若虛拿回東西即轉頭走,無眼睇也!

該舖當然活不過一年大限。A君還突然失縱一輪,累其家人四出致電,搵仔返屋企做冬,結果原來去左大陸鬆一鬆。與女友分手後,A君被迫回家,其家人亦買佢怕,照樣科水免得再要到處搵仔。其後A君打過幾份sales工,但只係懶懶行,一副志不在此模樣,其前程如何,可真不敢想像。

5 則留言:

爆炸頭 提到...

悲乎

若缺齋老人 提到...

唔怪得我老師話後生時跌到癱癱腰係一種幸福~

Bittermelon 提到...

睇咗呢個故事,我覺得我呢聽窮等人家當然會覺得A君無用無前途,但在另一個角度來看,A君絕對係叻仔,雖然話佢好命水有屋企照住,但佢有掌握"水源"既能力(e.g.其家人亦買佢怕,照樣科水免得再要到處搵仔),實在利害呀!

波蘿游 提到...

寫完D失敗個案,最好寫下D同輩努力成功既例子

死肥仔 提到...

三個字,抵 X 死