星期五, 5月 08, 2009

少別一月

少別一月,若虛公事比較忙。上年底剛從大陸佬處轉回香港舊老闆的合伙公司,半年下來,因緣際會,香港老闆委派我等盤房各人負責起新盤房,而且係真正坐盤散盤既盤房,唔係只係接電話落單既客服中心。月來為打點新盤房之事奔波,近來一切準備就緒,隨時上馬。

經歷年許波折,職場上總算有個像樣一點既的發展。回頭一看,很多畢業生踏出社會之前,對社會中的行業工種職能了解其實非常有限,搵起工來,其實個個都好似鄧小平所講,「摸著石頭過河」。若虛不少畢業生朋友都對前路非常迷茫,究其原因,在於大家對所面對的,實在認知太少。若虛奉勸各位畢業生,多做研究,多問其他師兄師姐或親戚朋友,否則就真係盲中中,浪費許多時間青春。「人生有幾多個十年!」

回望過去兩年,若虛可算甚為幸運。搵工之時,既有點臨急抱佛腳,又不太清楚行內有何職位開放予新人。苦找兩個多月找到第一份正職,舊公司卻屢遇變故,發展不順;幸而香港老闆言出必踐,重召我等;如今更委以重任建新盤房,可謂苦盡甘來。若虛亦望以此經歷分享,令各位畢業生勿為一千幾百輕言跳槽,長遠發展才是最重要的。


--------------------------------

又,我好想寫陳一諤單野,不過要等下...

2 則留言:

vanessa 提到...

想請教盤房文工作是甚麼??可否一試?

余若虛 提到...

vanessa

如果一個完整既盤房,基本具備接盤、坐盤、散盤等等既function。盤房,其實做既就係propriety trade,直接啲講就係同客戶對賭或者落巿場賭。由於一舉一動都牽涉公司帳戶,所以入行不易。外資大行盤房非菁英不選;至於本地公司或銀行門檻亦不低,多是靠介紹或有一定經驗者,新人入行要講運數。

你係咩background?有咩工作經驗?有興趣可以share一下。