星期四, 4月 02, 2009

續快啲去仆街

呢個topic好hot。

仆街呢兩個字學術上係咪粗口,其實唔係重點。重點係佢利用語言暴力去挑釁、侮辱其他人。你可以辯解仆街唔係粗口,一定要有性器官先係粗口。其實鬧人狗官、公公,同話人仆街,分別唔太大,不過可以見到既係呢班仆街一路係度試社會既底線。唔好同我講咩呢啲係跟據客觀事實既主觀陳述,DLS。(煲呔講狗o翕,情況一樣。佢唔認,我唔確定,但我對佢一向都不滿,我只視佢為一個聽聽話話既AO奴才。)

我唔知點解你啅人可以大大聲話「議事規則無話唔比鬧官員架可?」。鬧人,叫人狗官、仆街,原來大條道理。咁德成話陳四萬忽然民主、忽然民生,咁樣既陳述,你地又鬧乜春?

社會風氣壞,作為代議士,理論上有一定文化水平,又係香港代表,不但不匡正一下,反而帶頭將粗口罵人帶上螢幕,咁又算點?我唔係話佢地帶壞細路,粗口係周街都聽到。但代議士係地區既代表,隨時要代表香港去接待外賓,去見政要。係咪隨便係街執條友去都得?

明子駉既說話講得好啱:「將人民直觀的感受、情緒去轉化、疏導為有條理、有系統、方便討論的議題乃是代議士天然的責任。」

踢館既都歡迎,起碼令我知道支持社民連既人都會黎我呢度,然後唔係講粗口D9我。係,香港政制有問題,要改革,社會有好多不滿、怨氣,大家對好多事都好無奈,so what?美國寬鬆監管導致金融海嘯,先使未來錢仲要話中國既人儲起太多錢阻礙經濟發展,中國身為大債主但就無能力控制債仔不斷透過印銀紙做通脹黎賴帳,咁係咪胡溫就要去踩場,掟布殊蕉叫佢仆街,鬧保爾森係狗官?

哼哼,呢啲人都配叫代議士,搞政治。

7 則留言:

匿名 提到...

http://hksan.net/forum/index.php?showtopic=11378

當我見到有人說利比亞出過民選女元首Sirleaf香港要慚愧時,香港盲信選票的盲毛何其多

注意:徐岱靈是連利比亞和利比里亞都搞不清楚

通宵幹探 提到...

"哼哼,呢啲人都配叫代議士,搞政治。 "

講得好!!
香港垃圾會係做乜?
咪裝垃圾囉....
要香港政棍識玩政治
等於叫老曾唔好搞ON99施政一樣
都係MISSION IMPOSSIBLE!

明子駉 提到...

正人先正己。

立會議員莫名其妙,我們爆完粗話克渠地後還是要冷靜一下,思考下因乜解究會有咁多人受渠地個套?

另外,一樓的文章貼兩次稍嫌不厚道了。
貼一次讓大家奇文共賞就夠,再貼就有點抹黑之嫌了。

明子駉 提到...

http://hk.news.yahoo.com/article/090331/4/bgdv.html


到底是我有問題還是他們有問題......ORZ

Bittermelon 提到...

我真係唔多明白,係議會內講"仆街"是一件不好的事情是人所共知,正如我們不會預料到會有議員在議事廳內大小二便一樣。但偏偏還有咁多人為這些尊貴的議員護航,真係唔明白...

余若虛 提到...

匿名君:世上無知盲毛多的是啊,見怪不怪。

幹探兄:唉,成日好嚮往英式政治,但英國人既政治智慧就半點都學唔到。

子駉兄:激進反叛既行為,無論幾時都有巿場。鬼叫當權派都係少數派,唔敢郁個比例代表制。

苦瓜兄:其實都毋需爭論,出黎護航既人睇既係咩,大家心裡明白。

明子駉 提到...

激進反主流有市場不怪,怪的是我們竟然能容忍如此廉價的反主流?

推廣文學,提高審美品味對社會到底有甚麼見得到的好處,這件事給了我自己一個新的答案。

好的批評者及其支持者怎可能滿足於國語「不該」/英語「poor guy」連篇的所謂批評?
如果我將來有兒女,第一件事一定要教曉她乜野叫難睇。