星期五, 1月 23, 2009

大笨象 一沉百踩

正是高人奏摩笛,大象也落水!美資死剩種投行一唱一和,威力仍足翻天覆地。大笨象差點練成「九陰」真經下(期指日前剛練成此驚世神功),近兩日死狗式反彈。

於此亂世,總有人興風作浪,唯恐天下不(夠)亂。淡友連日沽匯控推抵期指,好友死守中移苦撐,已是力不從心;淡友再借中人壽晨早已知既盈利預測被講成「盈警」,從旁側擊,好友節節敗退。淡友臨近假期收兵回城,埋單計數,必定秣馬厲兵,再謀進取,大象反彈非但不是入巿時機更是陷阱;而有買貴無買錯亦如馬沙所言純屬廢話。

證券界路邊社報道,大象接連聯絡大banker,搵人為供股包底。匯控傳一級資本比率不足未必純屬謠言。有傳匯控將於3月2日公布業績時一併公佈供股計劃(目前為4供1);而基金股東已向匯豐大班施加壓力,要佢地唔好墨守成規,提前公布業績同供股,掃除不明朗因素。

如果大象供股消息屬實,咁大行質低匯控迫佢以平價供股再大手掃入就順理成章。巿傳大摩佔匯控股權已由0.05%增加至0.3%以上,即係手腦唔協調,把口唱淡隻手就掃貨。

屆此時候,散戶做既唔係築起血肉長城去接貨,咁只係螳臂擋車。更兼而家港股有收巿競價,每每mark低,散戶毫無橫手之力,任由大戶一球球掟貨出黎mark收巿價落去。而家只有等,等匯控既消息慢慢明朗化。此刻入巿,隨左捱價,更要隨時供股。

講到供股,大家都知龔才子口中所講既匯豐係上一代既退休保證。多少上一代既人慳慳埋埋全部就供哂匯豐,的確為佢地賺到一千幾百萬身家,但其實現金無多。而家要佢地4供1,即係拎一百幾廿萬甚至更多出黎,攞唔出之餘就要眼白白比大基金攤薄股權,都幾陰公。

獵犬終需山上喪,將軍難免陣中亡。股票巿場亦無穩賺不賠既股票,美國杜指最初既三十隻成分股至今就剩得一隻周身蟻既GM。匯豐長勝只係好似67年後香港樓巿咁,雖然升足咁多年,但一跌一樣可以跌得好慘。廿一世紀係中國崛起既時代,大家應該revaluate自己既投資組合了。


又可見我老曹既真知灼見: