星期五, 1月 16, 2009

落莊

離開校園多時,近日又有下莊邀請去con day與dinner,卻是若有所失。以往那種情感,隨時間不自覺的,流失了。

若虛曾經說過,既然自己做莊唔鍾意被干預,人地做既時候我亦盡少插手。老鬼的定位應是與現莊關係親密的顧問,雖無實權,但作一些建議為參考,大家互相參詳,決策權當然留給在位者。幾年來我亦堅守此原則。

事態的發展幾度令想改變立場插手下莊內政。面對下莊無視上莊意見、不斷重複前人錯誤繞遠路,令若虛明白何以上莊總愛插手下莊運作,只是己所不欲勿施於人,最終都克制並無出手。古人有云「兄友弟恭」,上下莊的關係能做到這樣應該最好吧:上莊親和友善、下莊謙虛恭敬,相信合作必無往不利。

其實縱使聰明,若能聽取諍言集思廣益又有何失禮?可惜當下自傲者太多,下莊往往自以為是;上莊又往往自恃經驗老,越俎代庖,不懂尊重「主權」,至使上下莊關係惡劣,往往勢成水火。一群應是理念相同,向同一目標前進的人,卻往往反目成仇,何其可惜。

若虛對自己個hall當然有期望,曾幾何時都奮鬥過,搏過捱過,叫做有少少成績,斷唔希望就此睇住佢死。可惜一屆又一屆既hall莊令人失望,失望不止係能力,最重要係唔夠用心,好多事得過且過。呢種失望不斷蔓延,見到hall既生氣一點一滴消失,我對hall既感情亦在湮遠。既有心殺賊卻無力回天,無奈之餘,只能漸離漸遠。

3 則留言:

若缺齋老人/陳潢 提到...

有時,不在其位不謀其政雖然有點無奈,不過卻是最能長久原則。

余若虛 提到...

若老知我也。

Hana 提到...

若虛兄:祝牛年好運隨身!