星期四, 10月 02, 2008

一獲粥

美國救巿方案大鑼大鼓出台,班眾議員又話點樣馬拉松傾足幾多小時,終於達成共識咁。全世界翹首以待議案通過個時,竟然突然玩轉軚,我睇住路透既新聞都呆左。

睇返資料,原來大部分共和黨人反對議案喎。咁就奇怪。布殊係共和黨人,推出一個咁大既project,但卻被自己既2/3議員反對,跟本就係頭腦控制唔到手腳,布殊係黨裏面恐怕都無幾多號召力。保爾森係外人,但權傾朝野,或者共和黨人睇唔過眼掛。

票一投完兩邊就互轟。民主黨當然大條道理開火,但共和黨開火話導致咁多議員轉軚既導火線係民主黨眾議院議長佩洛西投票前搞事,指責個經濟問題係布殊政府搞出黎,傷害左共和黨議員感情咁話。喂,大佬,選你班議員出黎係叫你地為人民謀福祉,唔係顧住你感受呀,搵你拉票個時使唔使請埋你沖涼食飯揼骨?就係因為人地窒你一兩句,以後就反對之前你認為係有益於人民既方案,虧你地仲拎出黎講。

與其投完票又做樣開火,不如晨早準備好。美國既議會都有如此既表現,盲目追隨美帝者唔知有何感受?但講時講,美國班議員就好禮讓,既唔會係議事廳拉橫額嗌口號甚至扯頭髮抓面皮,又唔係以巿井粗言相互指責,呢樣野睇怕先係東亞呢邊既「民主」與「不民主」政權既議員學習之處。

4 則留言:

波蘿游 提到...

今次美國議員D做法,似乎是想一鑊熟,多個一獲粥

大口仔 提到...

做場大龍鳳等你班歐洲、亞洲佬落搭齊齊救市,效果好過單拖喎,除笨有精。

若缺齋老人/陳潢 提到...

近日仲多左個笑話:內地不少人提出為報復帝國售武,要求中國拒買帝國債券! XD

(佢地又唔諗下帝國經濟崩潰中國有咩後果!)

blog marketing 提到...

飞龙搬家公司,是一家专业性北京搬家公司,企业诚信,员工搬运专业,是北京搬家公司行业的后起新秀,公司长期为搬家免费纸箱。欢迎重询!
公兴上海搬场公司是经工商,税务,交通部注册的一家专业性的上海搬家公司,诚实信誉,员工训练有素,经验丰富,工作细心,服务热情;为上海搬场,上海搬家的企业,家庭提供周到服务,如有需求,敬请垂询本搬场公司
海胜数码快印有限公司,致力于数码印刷,诚实信誉,实力雄厚,技术专业,设备先进,设计新颖,是北京数码印刷行业中新秀一支,愿做北京数码快印需求者的忠诚合作伙伴!欢迎广大企业事位来电来涵洽谈,荣幸之致!
佳佳乐月嫂服务中心,精心提供月嫂服务,育儿嫂服务,育婴师服务,本中心月嫂,育儿嫂,育婴师,均通过健康体验,经过严格培训,持证上岗。
华夏国际机票预定中心,全程代销各航机票,特价机票,北京特价国际机票,留学生机票,打折机票,打折的价格,增值的服务, 国际机票预订中心精心哈护你的远航!