星期六, 9月 13, 2008

喪盡天良

近來好多野想講,但無咩及得呢單咁喪盡天良。

個個咩三鹿牌奶粉搞到咁多農村娃娃患腎結石,原來只為加個種叫「三聚氰胺」既化學品,目的原來只為令奶粉加水時都符合收購標準既蛋白質含量!

但呢個三鹿集團後台好硬,以往大頭娃娃事件有佢份但又即刻除名;呢單野一開始佢都係死口唔認,國家質檢局更係水務交渠務式敷衍巿民,睇黎後台夠哂硬。而家傳媒大肆報道掀動政府高層,三鹿先死死地氣承認自己奶粉受污染,仲賴話有人係原奶收購期間就加入呢d科學品!三鹿仲話一個月前已經驗到!枉佢夠膽講出黎,收購返來既奶粉唔需要質檢?一個月前驗到點解又唔公布?明顯恃住後台硬,牟取暴利草菅人命!

加化學品落食物已經係人人喊打,加落奶粉荼毒連自己邊度痛都未識講既嬰兒就更加喪盡天良!強烈希望中央查清此事,將有關人等同後台、質檢有關官員全部揪出黎一次過打靶!

6 則留言:

匿名 提到...

全球恐慌都唔出奇,
大牌子d雪榚之類用三鹿牌來做一點都不出奇

C.M. 提到...

嘿,真係喪盡天良。

琴日個衛生局(如有錯,請指正)發言人話到“好難check倒...”(大約意思,但呢句都算)既時候,竟然笑笑口住講,我對住電視機都媽叉佢。

Karen (Sze) 提到...

嘿! 連劉翔代言那隻trademark的雪條同台灣某些罐裝coffee同milk tea都出事哩!

我知大陸有極少部分食品係免檢的(女仔大笑之飲用水就係啦), 但係都係唔信得過!

>>“好難check倒...”
我諗係指用呢D奶粉原料做其他副製成品, 如罐裝coffee同milk tea, 甚至bread等。

有心check, 點都會check到。

余若虛 提到...

匿名君:都有可能!唉!不過應該禍害無咁大,因為份量同攝取量都相對少,而成年人器官功能又比較強。

cm:個班衛生局(定質檢總局)係度推黎推去,而家綜合各方講法,班官都無理由唔知奶粉有事囉。

karen:要check,實check到,睇班狗官仲想推到幾時。而家捉幾件友做替死鬼。咁大單野,三鹿同班官唔係以為求其搵幾條友打靶就想了事下話?

匿名 提到...

如果三鹿幕後大老闆是胡溫是個一個或者兩個都係.......

若缺齋老人/陳潢 提到...

打靶咁便宜?