星期二, 4月 29, 2008

潮語會考!


潮人潮事多,考評局梗有潮料爆,睇到你O哂咀,大嗌屈機。

試題出左一大堆潮語,超低能勁搞笑。呢類潮語,詞義不一,而且每日都係度轉化,個個都可以有自己既解釋,甚至一詞又可以多義多用。譬如潛水,有啲解釋係唔蒲頭,又有啲U解匿係library讀書。至於屈機考評局甚至解錯。屈機出自打機時用bug黎令人無還擊之力,如以往街霸既無影「dart」;後來演化成一啲利用遊戲設計令人無法還手既方法,例如屈人埋牆角唔比佢落地狂打;之後再演化成一個人打機好強而令其他人無辦法贏到,又再引申為廣義既某人某種能力強勁到無法望其項背,譬如「個條友讀書勁屈機」。屈機可作動詞用:「今日考英文oral比個ABC屈機」;又可以當形容詞用:「個ABC啲英文屈哂機」。考評局既註解連狹義既解釋都唔算啱。

至於試卷海報中既潮句宣傳語,比人既感覺係夾硬砌落去,文理不通。尤其係「潛水怕屈機」,大概我諗原意係唔敢蒲頭驚唔夠玩(??),但又唔係好通囉,更加唔合乎上面試題比既解釋。

若虛昨日同朋友路經報攤赫然發現該段新聞,起初以為一貫報紙伎倆嘩眾取寵,見到個堆潮語以為係有學生作文寫落去。之後竟然發現係實實在在既考試題目,睇到我O咀。

考評局出一堆潮語考學生,為乜?測試到語文能力嗎?潮語可能係年輕人常用語,但就一定唔係主流社會用以溝通既語言,而且亦無一致解釋同標準,用作中文語文考試根本荒謬。譬如話以往講女係「追」,之後又溝又(界刂)又翻啅,千奇百怪日新月異,今日學曉聽日就out左,考來幹啥?(與上文「what the hell」等英文粗言不同,此等語言有固定意義,且經常會於群眾中聽到的)

若虛奇怪,考評局照計唔係白痴(照計咋),明知此等試題一定引起軒然大波,係咪要搏出位呢?即使要玩創新、玩改革、玩活化試題,都可以溫和少少囉。

即係,如果我係應考學生,我諗我見到份卷,當場O咀,心諗唔使咁激下話,份卷真係夠哂屈機,呢份卷聽日一定成為勁熱TOPIC,考評局比人喪插!唔知啲官使唔使潛水呢?



潮語玩死會考生 東方日報
27/04/2008

公 開 考 試 考 卷 內 容 再 惹 風 波 , 繼 早 前 高 級 程 度 會 考 英 文 科 聆 聽 考 卷 出 現 粗 俗 字 句 , 昨 舉 行 的 會 考 中 文 科 聆 聽 及 綜 合 能 力 考 卷 又 引 起 學 界 極 大 爭 議 。 該 考 卷 題 目 充 斥 一 些 年 輕 人 常 用 的 「 潮 」 語 如 「 O 嘴 」 、 「 速 閃 」 、 「 屈 機 」 等 字 句 , 不 過 , 有 考 生 坦 言 對 部 分 字 眼 「 唔 識 解 」 , 而 且 出 題 者 似 胡 亂 堆 砌 潮 語 , 如 「 潛 水 怕 屈 機 」 、 「 見 鬼 勿 O 嘴 」 等 , 令 人 摸 不 頭 腦 , 擔 心 答 錯 題 目 而 被 無 辜 扣 分 。 學 者 亦 批 評 有 關 潮 語 並 非 正 統 中 文 , 而 且 無 統 一 解 釋 , 易 令 學 生 理 解 錯 誤 , 絕 不 應 用 來 出 試 題 。

在 該 份 綜 合 能 力 考 卷 中 , 有 題 目 要 求 考 生 撰 寫 演 講 詞 , 分 析 近 年 興 起 的 潮 流 用 語 , 用 作 育 局 局 長 參 觀 學 校 時 作 演 說 之 用 。 題 目 列 舉 學 者 及 廣 告 從 業 員 對 潮 語 的 正 反 看 法 , 讓 學 生 作 答 題 參 考 , 當 中 羅 列 十 個 潮 語 例 子 , 如 「 頹 」 、 「 屈 機 」 、 「 潛 水 」 、 「 蒲 點 」 、 「 喪 」 等 , 然 後 詳 加 解 釋 , 如 「 頹 」 解 「 質 量 低 、 敷 衍 、 便 宜 」 。

試 卷 又 印 有 一 張 主 題 公 園 萬 聖 節 活 動 的 宣 傳 海 報 , 寫 上 「 見 鬼 勿 O 嘴 」 、 「 潛 水 怕 屈 機 」 、 「 喪 膽 喪 屍 齊 喪 玩 , 潮 人 潮 地 領 潮 風 」 等 句 子 , 考 生 需 閱 畢 整 份 資 料 後 , 再 回 答 有 關 的 問 題 。

育 界 斥 「 潮 」 語 不 正 宗
大 批 考 生 昨 午 在 網 上 討 論 區 留 言 , 指 香 港 考 試 及 評 核 局 列 出 的 潮 語 不 宜 在 考 卷 出 現 , 有 人 則 指 「 字 都 唔 知 解 得 」 、 「 完 全 不 知 所 言 , 令 人 摸 不 頭 腦 」 、 「 都 唔 知 考 評 局 搞 咩 , 搵 個 外 星 人 出 卷 」 , 題 目 令 人 無 所 適 從 ; 亦 有 考 生 指 「 考 評 局 如 果 要 出 生 活 化 的 語 言 , 應 該 做 多 研 究 」 。

考 評 局 今 次 在 以 不 正 統 中 文 作 為 中 文 科 試 卷 題 目 , 引 起 育 界 及 學 者 炮 轟 , 育 評 議 會 副 主 席 曹 啟 樂 看 過 試 卷 後 , 批 評 這 些 潮 語 太 粗 俗 、 不 正 宗 , 強 調 考 試 應 重 考 核 學 生 運 用 規 範 中 文 的 能 力 , 並 無 必 要 以 潮 語 作 為 考 試 題 目 , 亦 低 估 了 學 生 的 語 文 水 平 , 「 唔 通 佢 以 為 個 個 考 生 都 用 埋 呢 咁 唔 正 宗 的 字 句 ? 」

十 個 學 生 答 出 八 個 解 釋
城 市 大 學 社 會 科 學 學 部 高 級 講 師 馮 偉 華 亦 指 摘 稱 , 潮 語 雖 被 不 少 學 生 當 作 溝 通 工 具 , 但 這 些 詞 語 往 往 是 「 短 暫 性 」 , 或 很 快 被 遺 忘 , 學 生 未 必 明 白 箇 中 含 意 , 因 此 用 潮 語 出 題 存 有 極 大 局 限 性 , 學 生 容 易 誤 解 意 思 , 影 響 學 生 的 考 試 表 現 , 「 曾 經 有 同 學 生 討 論 過 , 發 現 十 個 學 生 對 同 一 個 字 , 可 能 有 八 個 解 釋 」 。

考 評 局 發 言 人 表 示 , 該 試 題 主 要 討 論 社 會 的 語 文 特 點 , 羅 列 正 反 意 見 , 並 無 鼓 勵 學 生 運 用 該 些 潮 流 用 語 。 對 於 有 考 生 將 該 份 試 題 式 樣 放 上 互 聯 網 , 發 言 人 謂 , 考 生 可 在 完 卷 後 取 走 問 題 簿 , 但 強 調 試 題 及 錄 音 聲 帶 均 屬 考 評 局 的 版 權 物 品 , 任 何 人 複 製 有 關 物 品 已 觸 犯 版 權 條 例 。

5 則留言:

孖瑩 提到...

我覺得考評局今次出得呢d踩界野,就預左有咁大回響架啦(唔會真係咁蠢呀嘛),完全係嘩眾取寵架喎。

但係我又諗,其實考評局次次公開試玩野,考生鬧爆咁又點,佢地依舊愛理不理,講兩句廢話扮無野,毫無影響,下次繼續諗新野玩。

作為考生既,可以點,唔通望佢比返d分咩。

(拿,我唔係應屆會考生,無利益衝突架)

懶人不寫BLOG 提到...

有關英文粗口,我始終覺得這近乎阿世,不想接受。考局考得,預左有學生覺得講都OK,外加會有人出書教粗口,這是港式考試的必然。

另外,考局這怪物早該消失。
香港8間大學,定位、收生都大有不同,強要一個考試定好派位,除開慳水慳力,實有不少壞處。
不如放權,讓各大學自定考試好,推薦好、面試好。方便各科系在收生上更得靈活。

政府乜都想管,卻又管得不得其法,笑大人個口也是無計。(我不是放任不管派,是管有其法派,同樣去管,可以用立法硬管,用公共機構鬥搶,也可以公私並蓄,有官立有私立地管,方法五花八門,卻不可一招用到老)
古云:夫和實生物,同則不繼。以他平他謂之和,故能豐長而物歸之; 若以同裨同,盡乃棄矣
洋大人近年一味求異,固是有病,可國家求同,卻是更大病啊。

波蘿游 提到...

題目只要求學生討論潮語對教育及文化等影響云云。

除非學生有能力知道潮語來源,演化過程,藉以說明文化的演進等等(恐怕只有語言研究學者才有此能力),否則對於個別潮語的理解,根本不會影響討論。

潮語背後意義,不單因應時間改變,亦因用家的處境、心情及學養而有所不同。很多潮語已被濫用,亦反映用家學養不足,詞彙有限,其所用潮語,可能並非反映其內心所想。

若缺齋老人 提到...

好彩唔關我事。

余若虛 提到...

孖瑩:係囉,咪官字兩個口,乜都佢講哂囉。不過,唔明佢咁做為乜啫。嘩眾取寵?搏咩呢?

懶人:okok,有啲人覺得聽見粗口都係罪,要洗耳,咁我無野講。前日係報紙見到Theresa(傅穎)話以前試過對住塊鏡講過佢「仆街」,之後全身震哂,以後都無再講過喎。但願唔會有考生因為聽到what the hell而全身震哂寫唔到字。

政府喇喎,乜都要管,管又管唔好,一路都係咁架啦。

波老闆:題目學生答唔答到係一個問題,應唔應該咁考又係個問題。

至於話詞彙貧乏呢一點,若虛深有同感。即係好似形容餐飯難食,可以有好多形容詞,但好多人就一個頹字搞掂。點頹法?哎,點形容好呢...

若老兄:好彩都唔關我事!