星期六, 3月 29, 2008

退位讓賢

白鴿黨老大李柱銘大狀終於決定唔選,同華叔一齊退後做精神領袖。

馬丁李今年七十歲,坐議事廳任尊貴凡二十三年,乜都夠啦。再坐,咪阻住下面發達。七十歲,就算係中共中央政治局,都要退任啦。

唔係話馬丁李既議政能力同水平下降,而係,為左自己個黨既長遠發展,都好應該轉換下角色,扶持下新人。長江後浪推前浪,李大狀既支持度已經唔及余若薇等,年年對住佢,選民都會厭。

但呢,叫人退位既聲音,就經常無限上綱。由叫華叔、馬丁李到叫每區讓一個位出黎比新人選。喂,以白鴿黨言,冚家富、緊身哥呢類都仲好「當打」喎,又何苦要佢地退役?

反而,第一大黨都係時候諗接班。話就話有政府明醒既副局長,但無經選舉洗禮點都爭緊啲。好似老譚主席呢類元老就係時候退下來啦。菜菜子呢啲地保,守北角仲好,做尊貴好似唔係好掂囉。

幾個老野肯走,點都好,有啲新氣象。第一大黨再係咁保守,搞多幾年老氣橫秋,就保唔到幾多人入局。

5 則留言:

VC 提到...

"老野" is not a good word, better avoid.

若缺齋老人 提到...

撇除對民主黨同幾個既個人喜惡,振英哥哥今次講得最o岩:那是自然生態。班六七十歲的唔退下來,冇野可以長存。

VC 提到...

自殺不是自然生態,尤其他自言很fit,正職仍未退休! 更是最選得落手的民主黨人,這樣做是以兒子代替市民選擇!

余若虛 提到...

vc:唔好意思,個人意見既BLOG係會有比較主觀同偏激既用詞,請見諒!

的確,李大狀自視仍然很高,對黨發展不是好事。

若老兄:撇除對振英哥哥既個人喜惡,佢都算講得無錯。

barb michelen 提到...

Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is