星期三, 2月 27, 2008

湯狀又有謬論

呀湯大狀支持民主既輪點真係獲獲新奇獲獲甘。今次就話英國真美好,民主可以令年輕人當政。搞到若虛又R哂頭。諗極都諗唔到呢樣曾經係推動民主人士既論點喎。呀湯生真厲害,開創先河!

呀湯狀話民主制度下後生仔都可以從政,唔似香港咁,要搞掂兩餐先可以從政。我又唔知大狀係邊聽返黎原來英國人從政可以唔使食飯,定係有英女皇請食皇家飯。英國人從政,咪又要選舉。選輸左咪又係要乞米。文禮彬係工黨政府閣員,係首相任命,性質同香港既問責官員差唔多。咁今屆被選入曾班子既邱騰華都只係四十七歲啫,又好老咩?

如果話係議會裏面年青人無機會上位,咁要怪唔係怪個制度,係去怪參與既人喎。政黨裏面抱殘守缺,抗拒新舊交替,老人死坐高位唔肯落黎,後生仔入政黨反而無機會發展。試問香港有邊個政黨又敢提拔另一個文禮彬去參加選舉?四十七歲既甘乃威,唔係又比人勸退咩?公文袋湯大狀其實係咪含沙射影,想潤一潤隔離白鴿黨?

再唔係就鬧啲選民,次次都揀呢班老餅。但係,佢地又有幾多選擇?

諗黎諗去,都係唔知邊忽關民主事。不如話關人事。連中共都要年輕化,但香港既議員就想行終身制。煲呔曾都夠膽提拔一班四字頭做局長,各黨各派又會唔會派四字頭新人出選?

1 則留言: