星期二, 2月 12, 2008

最失敗的公關











淫照事件當事人終於現身講話。事前還預先張揚,彷彿這次對話後事件可暫告一段落。現在看來,恐怕只可視為一場捧藝人手段出神入化的公司的一場失敗的公關教材。

CK老闆之前曾經提過一些處理手法的意見,若虛都唔敢話係好定唔好。但相比今次記者會上既處理,一定好得多。

如果話冠A既阿爾蓋達式聲明係宣讀法律文件,咁阿嬌既記者會天真講話就似講得獎感受。講話前滿面笑容擺pose影相,宣讀一份不足一分鐘既聲明文件。文件中基本上什麼也沒有交代,簡簡單單以「很傻、很天真」將所有事情解釋了,沒有正面坦承自己的年少輕狂(醜聞處理公關的重點-認錯),講完後用FANS高聲喊叫來作解套,迴避提問。整個記者會令人感覺公司跟當事人本人缺乏誠意面對事件,只係徇眾要求出來見一見人虛應故事。主角給人的感覺更是不認真,彷似整件事無咩大不了,還有心情擺POSE影靚相(唔係叫你喊,但亦唔使笑得咁燦爛丫)。

該公司亦想必難以面對群眾。當日大聲疾呼淫照移花接木,又高調報警。警方過分重視,已令巿民有「有錢人大哂」之感。今日間接承認照片的真確,不見該公司高層出台承認錯誤。

香港有頭有面既人都鍾意側側膊,講錯野唔再提就當解決左。八萬五可以唔存在,一哥爆肚可以唔認錯,鷹王報假案可以當無事。



P.S.估唔到一套連續劇可以有咁長,責過年!嚮呢度同大家拜個遲年,祝大家今年心想事成,順風順水!

4 則留言:

明子駉 提到...

恭喜發財,晚點可能有更新,多點過來。

Hana 提到...

睇到嘔!

Charisky 提到...

是次她的星途真是可以用'精神分裂'來形容,
一邊外顯是偶像派,好好小姐,甚麼'天真''很傻'來形容一下自己來過關, 以保玉女形象,
真是十分顛覆! 言行不一致的人, 內心有愧,心理壓力很大呢!

余若虛 提到...

子駉:好,期待你的鴻文

hana:真係,唔係整個招牌靚靚笑容就可以過骨架,香港人無咁傻咁天真

charisky:其實,佢出黎只係跟公司既要求做野啫。都幾服佢,可以分裂得咁徹底,可能做戲做到自己都入哂戲。