星期一, 2月 04, 2008

鄧竟成不知所謂 郭偉健藐視法律

淫照風波熱熱鬨鬨。不過同上次淫照超連結一樣(唔知大家仲記唔記得),香港警察、裁判法院都係咁不可理喻。

一哥鄧竟成日前竟然講到藏有可供發布既淫褻物品都可以係犯罪,因為有呢D物品「以供發布」。話語一出人人自危。有警員自言差不多全部警察都以經犯哂法。法律界亦有反擊,張達明就話只係藏有難以入罪。

不過差佬有差佬既做法。有錢佬唔敢捉,就捉個無業漢,恰你唔識法律,加上無錢(亦無膽)同政府打官司。然後軟硬兼施,叫你脆脆地認左佢就判得輕手D。被告既然認罪,就無需理鋤唔鋤得入,一定要定罪。呢樣野即使法官知有問題亦無可奈何。

但可惜法官都睇黎唔係好知。裁判官郭偉健就指被告涉及信用卡詐騙,負債50萬元,不排除他將有關照片作其他用途。若虛雖然唔識法律,但聽到呢位大老爺既說話就真係唔知好嬲定好笑。其實,應該笑唔出,因為法治淪亡!

被告只係涉及詐騙,未定罪只能當清白,唔牽涉人格、誠信問題(即使有,若虛都唔認為足以作證)。個官竟然以被告負債50萬作為「不排除他將有關照片作其他用途」之依據,跟本就係對窮人赤裸裸既侮辱。此乃因為你窮,所以你就會犯罪既邏輯。以此論之,警察大可隨時隨地爆入任何一個香港人屋企,然後搜出廚刀,再加上一句「不排除疑犯將廚刀作煮食外其他用途」,即可判人打劫殺人擄人勒索罪!前提係,呢個一定要係窮人,因為有錢佬既廚刀同淫照都「排除」左作其他用途!郭偉健信口雌黃,直情係藐視法律!

如今又捉一堆人,話以經相當接近源頭。咁個位無業仁兄,好似唔係元兇喎?點解要佢係監倉過年呢?香港警察係咪為左要證實佢地既辦事(辦案)效率,為左應酬傳媒公眾有錢佬(楊生),求其捉件友頂住先?

若虛第一個舉手響應馬沙,如果差佬要拉要鎖,先鎖自拍淫照存於電腦者丫,唔該!


延伸閱讀:
馬沙 - 受害者
Elvis - 彼有其具,欲行淫
HANA - 全城熱話/大話!
左冷禪 - 裸照不能存,威武實能屈
Sun Bin - Les Misérables - 2008 Hong Kong

7 則留言:

VC 提到...
作者已經移除這則留言。
VC 提到...

我們的法治真脆弱!

可憐。

VC 提到...

linked http://imvchk.blogspot.com/2008/02/blog-post_2752.html#links

VC 提到...
作者已經移除這則留言。
余若虛 提到...

Thx vc. Amended.
大律師公會,而家係時候捍衛法治!

若缺齋老人 提到...

同李逵前局長比,真係有點失望。

余若虛 提到...

講錯左,仲要唔認錯!求其搵個副處出黎打圓場就算,係咪仲衰過希少。