星期五, 12月 28, 2007

兩電的「聖誕禮物」

香港經濟好,個個趁聖誕假期大過好多年無過過既揮金如土癮之後,電力公司都大送聖誕禮物,就係見大家手鬆,伸手落你袋攞多6-8%。

仍然係所謂利潤管制既問題,而呢個問題,則係英國佬當年同兩電簽協議書既時代留落黎既歷史文物,但相信唔會有保育人士要求保留。而陳方議員昔日既為在位者,今日卻反轉槍頭對利潤管制制度大加鞭撻,可見政客之人格分裂。

兩電盈利豐厚,但電費通縮時無減,通漲時卻猛加,任誰都知於理不合,加之其先天的壟斷地位,再有合約保證,連政府也奈何不了。兩電中又以港燈電費比中電高三至四成,皆因成本較高。

利潤管制以兩電資產投入作為釐定利潤準則,造成兩電的瘋狂投資,港燈更於南丫島興建多座電廠企圖再謀暴利,卻因電費過高導至商舖紛紛如東柏林巿民般逃到九龍,令總用電量不昇反跌,多座電廠遲遲未能投入盈運(因用電量不足),令港燈冒受損失(因未投入供電的電廠投資不能用作計算保證盈利),遂連年加費加到盡企圖榨乾合約準許下的一點一滴利潤,十足的超人作風!

順帶一提,令李氏風生水起的海怡半島,當日為電廠。李氏將電廠遷到南丫島,卻將土地私授與同系公司,其地產投資盈利之豐眾所周知。

而本港的電力其實係有剩餘產能,如兩電聯網,則電力不致浪費(電力不能儲存),而巿民卻可享受平電,電網亦會較穩定,減低局部停電的可能。只因港燈一己之私,聯網令其失去藉口再投資以增加盈利,故一直反對。

兩電借殖民不公條約剝削巿民大眾,如今合約將到期,政府寧無一策以救香港蒼生哉?

2 則留言:

Charisky 提到...

如果不需用電,
人也可以生存,
相信電力公司無我地乎!

明日停電,
我估可以感受一下!

余若虛 提到...

電力公司就係有先天既壟斷優勢同埋穩定需求,先做就佢地為所欲為。用經濟面講,係需求跟本唔elastic。人類社會文明,始終走唔到回頭路的。