星期三, 9月 26, 2007

辯論會後感

泛民初選辯論,跟本係一場唔需要打既仗。陳太官威猶在,架子大得很,秉承一貫官僚作風。勞醫生分明一個資產階級,忽然左翼,功能組別之敗,令他大徹大悟,覺今是而作非,可敬哉!可惜,勞醫生畢竟是醫生,不是一二流政客,更不是演員,演戲拿捏不到神髓,過哂火位。

不過,勞醫生替自己同社民連,宣傳效果做足,當著全港觀眾面前,尤如propaganda式的宣傳左翼理念,或者為社民連係零八年立法會選舉打下基礎。尤其係民主黨江河日下之時,工會於香港又不成氣候,左翼社民連自有其支持者。

又,兩太相鬥,陳太真係贏硬?大家唔好睇得太多生果報,又或者睇完當睇左娛樂八卦雜誌就算啦!個個民調,笑死人。

沒有留言: