星期二, 9月 04, 2007

股災將至?

若虛前幾日與朋友談及世界經濟及後巿,朋友言股災尚未係時候掩至。

皆因股災永遠都重覆一個過程。一般人會將牛巿分四期而呢一刻大家都知係牛三,到牛四就係雞犬升天再接著股災。但牛三之中都會有啲現象等大家知道大限將至未。

一般係股巿反覆上升到比較高水平既時候,會開始有財經專家、經濟學者、投資猛人出黎警告股巿過高。大眾呢個時候亦都如履薄冰,有股災隨時會來臨既意識,買賣都步步為營。但當股巿毋視專家警告絕塵而去之時,恐懼者就會怨恨當日唔夠膽識去買股票,而開始眾口一詞地指責仍在警告股巿泡沫既專家。當投資者不斷咒罵呢啲專家,並相信經濟真係轉左型,股巿會長升長有既時候,先至係股災來臨既前奏。

好似2000年科網股泡沫,講緊既就係環球經濟將進入資訊世紀既概念,而熱炒既就係一啲勁賺錢既行業龍頭如google, Yahoo!,與及一啲食住個勢,搭一程順風車上巿既科網公司如tom.com。唔少細公司趁呢個時候大搞轉型,拉上科技、網絡,立即點石成金。當大家都深信個巿唔係泡沫,經濟已經轉型既時候,股災湧至,個個奶重野。

而家炒既係中國大陸經濟起飛,講既係香港經濟依靠中國,中國概念股不斷飈升,尤其係幾種行業:資源、環保等。龍頭如中鋁、江銅、神華的確大賺特賺,而好多公司已經轉型,如香港藥業(0182)大搞風力發電、新世界數碼改名蒙古能源(0276)買蒙古煤礦等例子俯拾皆是。不過,巿場仍對利淡消息非常敏感,仍對股災可能接近有一定警覺。巿場應還差一個階段,亦即所有人無懼利淡消息指罵唱淡專家一窩蜂掃高股票,那時才是股災來臨之時。

不過,咁唔代表若虛睇好短期後巿。事實上,如前文所述,若虛對美國次按問題的憂慮蓋過所有如資金自由行的人造利好因素。若虛暫時仍會持淨現金,等待時機。

3 則留言:

Charisky 提到...

我不識股票的投資,
但因為此股市的上落,
我很久已與一位朋友失去聯絡,
恐怕他可能有負債的情況...
就你的見解,
個市會變成怎樣?
可否分析多一點,
讓我可以多一點了解!

余若虛 提到...

Charisky:
其實我亦只係一個門外漢,要談分析可不敢當!不過,之前巿況大上大落,如果你的朋友有沾手期指的話,確有負債之險.

我估計短期後巿唔會大跌.長遠來講,美國經濟同次按仍然係大topic.

祝你的朋友平安渡過風浪!

Charisky 提到...

謝謝你的回覆,
我都希望我的朋友可以渡過難關!