星期二, 8月 21, 2007

水煙


大學生攞正牌放縱,舉世皆然。若虛大學之時,亦都愛上左水煙呢個玩意。

水煙(Shisha/Hookah)係中東傳統既玩意,原理係以水過濾吸既煙草,將部分有害物質濾走。當然,呢味野唔可以話無害,但若虛一向有一套個人哲學:天底下有害既事物何止千萬,適可而止就好。而水煙呢,若虛無吸煙習慣,玩左水煙兩年以來,都未有上癮之感,總之無一般煙民所講既無煙食手騰腳震心悸血壓高。

而水煙既煙草亦有多種唔同既味道,若虛計有試過萍果、橙、茶、芒果、咖啡、椰子、玉桂、雜果賓治(無睇錯,真係fruit punch)等等。吸下味道就與那種味道相類,吸完後滿室該煙草味道的香氣。若虛曾說笑我房間在點香薰,竟然還真有人相信。

水煙唔似一般香煙可以信手拿來,隨身攜帶;其麻煩程度足以令人難以上癮。若虛亦只間中玩下(一個月一次到三次左右)。佢既社交性質其實頗重,通常都係三五知己或者一大班人個時先會點。

近年聽見水煙呢個玩意都開始係香港興起,諾士佛階同老蘭都有,不過價錢就唔多相宜。全面禁煙之後,睇黎經營呢一類外國好流行既水煙吧都有困難。

沒有留言: