星期四, 7月 12, 2007

你適合炒股嗎?

恆指直撲二萬三,個個炒到不亦樂乎,好多蟻民都想分一杯羹。

曾經聽過話,如果你一個禮拜有三次係交通工具上聽見有人講股巿,就係股災既先兆喎。聽住先啦,告誡下自己都好。

若虛淺見,覺得恆指將於二萬二至二萬四上落,直接零八奧運應該都唔會有大調整。

另外,跟據一啲生活體驗,如果你有以下既特質(愈多愈大獲),就真係唔好炒股喇(長線投資如巿場先生並不等於炒股):

-無睇報紙既習慣;
-有睇報紙既習慣,但只睇娛樂板或風月板;
-睇住個巿升,手唔持股票會成身唔聚財,睇少陣大利巿機都會心跳加速心律不正;
-睇住個巿跌,手持股票會食唔安訓唔落,睇少陣大利巿機都會心跳加速心律不正;
-聽到電視、電台講緊某隻股票就心郁郁,唔跟唔舒服;
-聽到大行出口術唱好就飛身追貨;
-以為中國高速傳動(0658)係做電訊業務或汽車業務既;
-口中成日話係巴菲特教派,東尼fans,但持股從唔超過一年;
-口中成日話自己短炒王,但止蝕位一降再降;
............

2 則留言:

宿舍路人 提到...

余兄:
我認同你所講在交通工具上的先兆.
現在我那一班手執PSP的同學經常都拎住份 AM730在討論買邊隻股好.
看來一次大調整實在是勢所難免


題外話. 以前住hall 可以日日免費睇經濟同信報. 而家無得住要自己買黎睇. 有些少肉赤的感覺....

余若虛 提到...

宿舍路人:調整係必然,但時間好難講,可能係聽日,可能係下年,升巿莫估頂,23000做淡既睇怕就比人狂挾中移動挾死哂。

至於報紙,我本人傾向信報。信報唔止經濟股巿寫得好,社會政治都掂,專欄質素又高,學到好多野。以前hall可以用wisenews睇,而家就無喇,唉。