星期四, 12月 14, 2006

隨筆

考試喇。平時hea既代價就係考試有排追有排忙,除非你承擔得起GPA插水。

講真,若虛本人讀書從來都唔勤力。由小學到中學,面對住Cert & A-level,態度始終如一。或者太自我掛,對於自己不太有興趣既事,總係無咩幹勁。

Year3,成績又重要,搵工愈來愈迫切,secure唔到份工就總覺得前路茫茫。若虛成績麻麻,academic achievement呢方面,真係比唔到咩人信心。只希望有機會比我可以in一in,咁死左都心息。

雖然一窮二白,借債(政府債)度日,但已經鐵定考完試後就開始我既歐洲之旅。無錢,唯有搞個麵包餅乾團啦。四處遊歷見識,一向都係若虛既心願。只怕日後有份工係身,就唔可以好似而家咁,話走就走。而後唔去,更待何時?無人會想留返D遺憾,等自己日後驀然回首都要刀仔拮大脾。

總要令自己人生無悔。係大學三年,總算經歷唔少,比起個D每日返學放學,做project,鋤mid-term,都算多姿多采。若虛並非才藝出眾,但自問比起一般大學生常識多一點,思考強一點。你能想相信大學生會唔知胡溫係咩,南韓係邊度,郭炳湘係乜水?其實,而家既老細,係咪仍然係學業成績主導?若虛唔知道。

唔夠訓,無組織過,好亂。純粹想寫乜就寫乜。活在當下,無怨無悔。

沒有留言: