星期三, 11月 22, 2006

睇英超 要轉台

誠哥個仔又發功,股權都未賣完一個屈尾十就從吳老官手上搶去三年英超轉播權!可知曼聯、車路士、阿仙奴、利物浦都係香港最多粉絲既球隊,若虛亦係曼聯球迷(雖則近年都家道中落)。不過,有線雖然對舊客戶唔係好,但小弟亦應不會轉台。

有人計過,若NOW客戶人數相若,英超轉播權成本平均為每月每戶二佰大元!如此,NOW豈能維持二佰多既月費?!相反,有線塞翁失馬,失落轉播權令它大有空間調整價格。而且,即使接連失去ESPN、HBO、歐聯至英超,有線仍有HMC、西甲、意甲、National Geographic、Discovery Channel等具吸引力節目(還有家母最愛的排球賽),若價錢可調低,若虛是拍手叫好。

或者,若虛推斷得太理性。須知誠哥個仔向來做事都唔需要咩理由,佢一個興起,又可以高價再搶走有線其他節目,再低價推出,打做收費電視王國,蝕本經營在所不惜。唔知會唔會講得過左火位呢?總之,我只知道,最終損失既一定唔會係李生而係小巿民(電訊仍fall既小股東,應該好清楚李生既手段吧)。

沒有留言: