星期二, 11月 14, 2006

拆個天星,有乜好嘈?

新天星碼頭啟用,用左四十八年既舊天星宣告摺埋兼拆檔,本應係功成身退。

話拆舊碼頭都唔係一朝半日既事。新碼頭起左咁耐,成個碼頭附近講哂海濱長廊既規劃,點解硬係到最後一刻,就有D乜乜團體物物議員走出黎,又話要哀掉又話要追思,講到拆左個天星就會損害左香港七百萬人民既感情,令香港人既回憶之中出現左一片無法修補既空白咁。

拆一個天星碼頭,又唔知做咩要嘈一輪先開心。呢排D人古老當時興,愛上左懷舊。香港其實仲有大把野可以比你緬懷下!成個老中環,由擺花街行到SOHO區,都係極有歷史價值。如果拆邊樣就要哀悼邊樣,咁不如成個香港唔好發展喇。

拆個碼頭,只係城巿發展既一部分,都可以話係香港呢個城巿歷史既一段小插曲。懷緬下無問題,但如果又要示威遊行就認真無謂。

沒有留言: